काठमाडौ ३० वैशाख । सरकारले पासविना एक जिल्लाबाट अर्को जिल्लामा सवारीसाधन जान नदिने भएको छ ।

गृहमन्त्रालयले आज सवै जिल्ला प्रशासनलाई परिपत्र जारी गर्दै पर्सि जेठ १ गतेदेखि पासबिना एक जिल्लाबाट अर्को जिल्लामा सवारी आवागमन भएको पाईए तत्काल सुरु जिल्लालेनै अर्को जिल्ला पुग्नु अगावै सवारी आवागमन रोक्ने व्यवस्था मिलाउने भनेको छ ।

एक जिल्लाबाट अर्कोजिल्लामा जाने गरि हालसम्म जारी भएका ईपाससहित सबै सवारी पास रद्ध गरेको छ ।

परिपत्रमा अत्यावश्यक अवस्थामा एक जिल्लाबाट अर्कोजिल्लामा जाने पास जारी गर्नुपरेमा जारी गर्ने जिल्लाले पुग्ने जिल्लाको प्रमुख जिल्ला अधिकारीको स्विकृतिमा मात्रै जारी गर्नुपर्ने , अत्यावश्यक अवस्थामा काठमाडौं उपत्यका बाहिरका जिल्लाबाट काठमाडौं उपत्यकाभित्र प्रवेशका लागि सवारी पास जारी गर्नुपरेमा गृहमन्त्रालयको स्वीकृति लिनुपर्ने व्यवस्था गरेको छ ।

यस्तैगरी परिपत्रमा त्यसरी पास जारी गर्दा पासमा गृहमन्त्रालयको स्विकृति नम्बर समेत समावेश गर्नुपर्ने, पास स्विकृतिका लागि अनुरोध गर्दा पास जारी गर्नुपर्ने प्रयोजन र पुस्ट्याइ समेत खुलाउनुपर्ने उल्लेख छ ।

क्याटेगोरी : ब्रेकिंग न्युज, विशेष, समाचार
ट्याग : #गृहमन्त्रालय

---

---

---