लिपुलेकमा सडकमार्ग बनाएको विरोधमा टोखामा प्रदर्शन
न्यूज अफ टोखा, काठमाडौँ । भारतले नेपाली भूमि अतिक्रमण गर्दै लिपुलेकमा सडकमार्ग बनाएको विरोधमा टोखामा प्रदर्शन भएको छ ।
नेपाल मजदुर किसान पार्टी टोखा नगर समितिले आइतबार भारतले नेपाली भूमि अतिक्रमण गर्दै लिपुलेकमा एक तर्फि रुपमा सडक बनाएकोमा विरोधमा प्रदर्शन गरिएको हो ।
नेपाल मजदुर किसान पार्टीका अध्यक्ष नारायणमान बिजुक्छे (रोहित)को अध्यक्षतामा २०७७ बैशाख २७ गते बसेको पार्टी केन्द्रीय सचिवालको बैठकले भारतले नेपालको भूमि लिपुलेक अतिक्रमण गरी लिपुलेक भन्ज्याङसम्म सडक निर्माण गरेकोलाई विरोध एवम् भर्त्सना गरेको थियो ।

भारतीय रक्षामन्त्री राजनाथ सिंहले बैशाख २६ गते भारतको उत्तराखण्डको पिथौरागढ जिल्लाको धार्चुलादेखि नेपालको भूमि लिपुलेकसम्म ८० कि.मि सडक भिडियो कन्फरेन्समार्फत उद्घाटन गरेको थियो । भारतीय विस्तारवादले नेपाली भूमि गुन्जी, नाभीढाङ र लिपुलेक अतिक्रमण गरी सडक निर्माण कार्य गरेको नेपालको सार्वभौमिकतामाथि हस्तक्षेप हो, नेमकिपा केन्द्रीय समितिले जारी गरेको प्रेस वक्तव्यमा भनेको छ ।
नेमकिपा केन्द्रीय समितिले प्रेस वक्तव्य जारी गरी भनेको छ – ‘ सुगौली सन्धिअनुसार महाकाली नदीपूर्वको लिम्पियाधुरा, लिपुलेक र कालापानी नेपाली भूभाग हो । नेपालको भूभाग गुन्जी र कालापानीसम्म भारले आफ्नो सेना तैना गरेकोमा नेपाली जनताले विरोध गर्दै छन् । भारतीय विस्तारवादले नेपाली भूमि लिपुलेक अतिक्रमण गरी धार्चुला-लिपुलेक भन्ज्याङ सडक सन् २००८ देखि निर्माण सुरु गरी गत महिना सम्पन्न गर्दा समेत नेपाल सरकारले चासो नदेखाएको र आफ्नो भूमि रक्षा गर्न नसकेको खेदजनक छ ।
क्याटेगोरी : समाचार
ट्याग : #टोखामा प्रदर्शन
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्