नैतिक जिम्मेवारी लिँदै कांग्रेस उपसभापति जिमीको राजीनामा

साझा पाना २०८२ फागुन २६ गते ११:४२ मा प्रकाशित

संखुवासभा । नेपाली कांग्रेस संखुवासभा जिल्ला कार्यसमितिका उपसभापति रामकुमार जिमीले पदबाट राजीनामा दिनुभएको छ ।

हालै सम्पन्न प्रतिनिधि सभा सदस्य निर्वाचनमा पार्टीका उम्मेदवारले मादी नगरपालिका तथा आफ्नै मतदान केन्द्रमा अपेक्षाअनुसार मत प्राप्त गर्न नसक्दा पराजय भोग्नुपरेको अवस्थालाई नैतिक जिम्मेवारीका रूपमा लिँदै उहाँले पदबाट राजीनामा दिनुभएको हो ।

जिमीले जिल्ला कार्यवाहक सभापतिलाई सम्बोधन गरी दिएको राजीनामा पत्रमा निर्वाचन प्रचारप्रसारमा सक्रिय रूपमा खटिनुहुने पार्टीका नेताकार्यकर्ता तथा समर्थकप्रति आभार व्यक्त गर्नुभएको छ ।