भारतको मेघालय राज्यमा रहेको एक कोइला खानीमा भएको विस्फोटमा खोटाङ बराहपोखरी गाउँपालिकाका एउटै परिवारका दुई दाजुभाइको घटनास्थलमै ज्यान गएको छ। मेघालयको उम्साङघाट क्षेत्रमा सञ्चालन भइरहेको कोइला खानीमा बिहीबार भएको विस्फोटमा परी बराहपोखरी गाउँपालिका–१ सालघारीभञ्ज्याङका २७ वर्षीय पूर्णबहादुर खपाङ्गी मगर र २४ वर्षीय सुरेन्द्र खपाङ्गी मगरको मृत्यु भएको हो।

उक्त दुर्घटनामा बराहपोखरी भञ्ज्याङका बमबहादुर खपाङ्गी मगर, कर्णबहादुर खपाङ्गी मगर, नरबहादुर खपाङ्गी मगर तथा उदयपुर साउनेका ललितबहादुर मगर घाइते भएका छन्।

भारतीय सञ्चार माध्यमका अनुसार खानी विस्फोटमा ज्यान गुमाउनेको संख्या १८ पुगेको छ। उम्साङघाटस्थित कोइलाखानीमा भएको घटनाबारे थप विवरण आउन बाँकी रहेको जनाइएको छ।

यस दुःखद घटनाप्रति भारतीय प्रधानमन्त्री नरेन्द्र मोदीले गहिरो दुःख व्यक्त गर्दै मृतकका परिवारलाई जनही दुई लाख रुपैयाँ क्षतिपूर्ति उपलब्ध गराइने घोषणा गरेका छन्।

क्याटेगोरी : समाचार
ट्याग : #breaking

---

---

---