रामेछापको मन्थली नगरपालिका–२ का किसानहरू अब उत्पादन गरेको दूध गाउँमै बिक्री गर्न पाउने भएका छन्। कृषकहरूले आय आर्जनमा समस्या भोग्दै आएका थिए।

धारापानीमा कृष्णप्रिया फर्म र दूध डेरी काठमाडौंले दूध सङ्कलन केन्द्र स्थापना गरेपछि गाउँमै दूध सङ्कलन हुँदै आएको छ। डेरीले गाउँमा खपत हुने दूध गाउँमै बिक्री गर्ने र अतिरिक्त दूध काठमाडौं लैजाने व्यवस्था मिलाएको छ।

सञ्चालकले किसानलाई गुणस्तरीय दूध उत्पादन गर्न आग्रह गर्दै सरकारले तोकेको मूल्यअनुसार खरिद र समयमा भुक्तानी गर्ने प्रतिबद्धता जनाएका छन्।

वडाध्यक्ष सुरेन्द्र कार्कीले यस केन्द्रले स्थानीय कृषि र पशुपालन क्षेत्रको विकासमा महत्वपूर्ण योगदान पुर्याउने बताएका छन्।

क्याटेगोरी : समाचार

---

---

---