नेपाल आयल निगमका प्रबन्ध निर्देशक चण्डिकाप्रसाद भट्टले बजारमा फैलिएको एलपी ग्यास अभावको हल्ला निराधार भएको बताएका छन्।

भट्टले बुधबार फेसबुकमा पोस्ट गर्दै आपूर्ति पर्याप्त रहेको स्पष्ट पारेका छन्। उनका अनुसार दैनिक उपभोगका लागि नेपालमा करिब ९० बुलेट, अर्थात करिब १ लाख १४ हजार सिलिण्डर एलपी ग्यास आवश्यक पर्छ।

पछिल्ला तीन दिनमा भारतीय आयल कर्पोरेशन (आईओसी) बाट सोभन्दा बढी मात्रामा ग्यास लोडिङ गरिएको छ। शनिबार ११८ बुलेट, सोमबार ११५ बुलेट र मंगलबार १३२ बुलेट लोडिङ भएको जानकारी उनले दिएका छन्।

भट्टले अनावश्यक रुपमा ग्यास स्टक नगरिदिन उपभोक्तालाई अनुरोध गरेका छन्। उनले निर्वाचन अवधिभर पनि हालकै परिमाणमा ग्यास आपूर्ति निरन्तर रहने स्पष्ट पारेका छन्।

क्याटेगोरी : समाचार

---

---

---