नेपाली कांग्रेसका उपसभापति विश्वप्रकाश शर्माले समाजमा निराशा, असन्तुष्टि र गुनासो बढ्दै गएको बताएका छन्। कांग्रेस रामेछापद्वारा आयोजित कार्यक्रममा सम्बोधन गर्दै उनले जेनजी आन्दोलनपछि कांग्रेसले आफूलाई रूपान्तरण गर्दै अघि बढेको दाबी गरे।

उनले एमाले अध्यक्ष केपी शर्मा ओली र रास्वपा वरिष्ठ नेता बालेन शाहलाई लक्षित गर्दै प्रधानमन्त्रीको उम्मेदवारबारे टिप्पणी गरे। शर्माले भने, “कोही अहिले भदौ २३ को मात्रै कुरा गर्छन्, कोही २४ को मात्रै। तर नेपाली कांग्रेसका प्रधानमन्त्रीको उम्मेदवार माघ १ वाला हो।”

उनका अनुसार कांग्रेसले विगतका कमजोरीलाई आत्मसात गर्दै क्षमायाचना गरेको र आफूलाई परिवर्तन गर्दै पार्टीलाई नयाँ युगतर्फ अघि बढाएको छ। “सबैलाई गाँसेर, एकजुट बनाएर कांग्रेस नयाँ उत्साहका साथ मैदानमा उत्रिएको छ,” उनले भने।

शर्माले कांग्रेसले अघि सारेको प्रधानमन्त्रीको उम्मेदवार नयाँ युग र नयाँ सन्दर्भको प्रतिनिधि भएको जिकिर गरे। साथै, नेपाली कांग्रेस भएर शिर निहुराउनुपर्ने कुनै काम नगरेको उनको भनाइ छ।

क्याटेगोरी : समाचार

---

---

---