काठमाडौं  नेपाली कम्युनिष्ट पार्टी (नेकपा) ले आगामी फागुन २१ गते हुने प्रतिनिधिसभा र माघ ११ गते हुने राष्ट्रिय सभा निर्वाचनका लागि काठमाडौं निर्वाचन क्षेत्र नम्बर–६ बाट उम्मेदवारको नाम सिफारिस गरेको छ।

प्रतिनिधिसभा सदस्य प्रत्यक्षतर्फ व्यवसायी पार्टीको अर्थ तथा योजना बिभागको केन्द्रिय सदस्य रहनु भएको बोगटीअम्बिर बोगटी र पूर्व विद्यार्थी नेता हिमाल शर्मा सिफारिस भएका छन्। बोगटी साबिक सिभिल बैंक (हाल हिमालयन बैंक) का पूर्व अध्यक्ष हुन्। उनीसँग बैंकिङ, पुँजी बजार तथा उद्योग क्षेत्रमा लामो अनुभव रहेको छ।

साढे तीन दशकदेखि पोल्ट्री फिड उत्पादनमा संलग्न बोगटी युका नेपाल इन्भेस्टमेन्ट प्रालि , पार्टीको अर्थ तथा योजना बिभागको केन्द्रिय सदस्य  र अमृत मल्टिपल ट्रेडिङ प्रालिका अध्यक्ष समेत हुन्।

यस्तै, प्रतिनिधिसभा समानुपातिकतर्फ रविन्द्र श्रेष्ठ, रामकुमार थापा र पार्वती थापा सिफारिस भएका छन्। राष्ट्रिय सभा सदस्यका लागि भने धनलाल महर्जनको नाम अघि सारिएको छ।

पार्टीले आन्तरिक छलफल र संगठनात्मक सन्तुलनका आधारमा उम्मेदवार सिफारिस गरिएको जनाएको छ। सिफारिस भएका उम्मेदवारहरूले जनताको विश्वास जित्दै लोकतान्त्रिक अभ्यासलाई थप सुदृढ बनाउने अपेक्षा क्षेत्रीय कमिटीले व्यक्त गरेको छ।

क्याटेगोरी : समाचार
ट्याग : #hot, #काठमाडौं६ मा नेकपा बाट अम्बिर बोगटी र हिमाल शर्मा

---

---

---