११औँ महाधिवेशनको पूर्वसन्ध्यामा नेकपा एमालेको केन्द्रीय सचिवालय बैठक सुरू भएको छ ।

भोलिदेखि नयाँ नेतृत्व चयन प्रक्रिया सुरू हुने हुँदा चितवन सौराहाको १०औँ महाधिवेशनबाट निर्वाचित सचिवालयको यो अन्तिम बैठक हो ।

प्रतिनिधि मनोनीतसहित महाधिवेशनमा केन्द्रित यो बैठकलाई चासोका साथ हेरिएको छ ।

एमालेभित्र पदाधिकारीमा रस्साकस्सी पेचिलो बनेपछि विधान संशोधन प्रस्ताव गर्न लागिएको छ । गत भदौ अन्तिम सातामात्रै विधान महाधिवेशनबाट संशोधन गरिएको विधानलाई पुन: ब्यूँताउँदै आकांक्षीहरूको व्यवस्थापन गर्न लागिएको छ ।

पदाधिकारी थप्ने, स्थायी कमिटी ब्युँताउने, केन्द्रीय कमिटीको आकार बढाउनेसहित चयन प्रक्रियाका निम्ति विभिन्न क्लष्टर थप्नेसम्मको तयारी गरिएको छ । तर, ईश्वर समूह पदाधिकारी थपको प्रस्ताव नमान्ने अडानमा छ । संशोधन गर्नैपर्ने भए २ कार्यकाल र ७० वर्षे व्यवस्था कायम राख्नुपर्ने उनीहरूको माग छ ।

यता पोखरेलले बुझाएको फरक दस्ताबेज महाधिवेशनमा पेश गर्न दिने/नदिने बारे सचिवालयमा छलफल हुने बताइएको छ ।

महाधिवेशनलाई चुनाव वा सहमतितिर धकेल्ने सन्दर्भमा यो बैठक निर्णायक मानिएको छ ।

क्याटेगोरी : समाचार

---

---

---