भारतको उत्तर प्रदेशमा बसमा आगलागी हुँदा घाइते भएकामध्ये दुई जना नेपालीको मृत्यु भएको छ ।

भारतको नयाँदिल्लीस्थित नेपाली दूतावासका मिनिस्टर काउन्सिलर अम्बिका जोशीका अनुसार, सोमबार मध्य राति भारतको उत्तर प्रदेशस्थित बलरामपुरमा बसमा भीषण आगलागी भएको थियो ।

भारत–नेपाल सीमा सुनौलीबाट दिल्लीतर्फ जाँदै गरको यूपी २२एटी ०२४५ को निजी बसमा कुल ४५ यात्रु सवार थिए ।

बसमा यात्रा गर्ने अधिकांश यात्रुको ठेगानामा ‘बुटवल’ उल्लेख रहेको पाइएको छ ।

नयाँदिल्लीस्थित नेपाली दूतावासका अनुसार आगलागीमा परी घाइते भएकामध्ये सात जना जति अस्पताल भर्ना भएका छन् । उनीहरूको उपचार भइरहेको छ ।

सामान्य अवस्थामा रहेका २० जना फर्किसकेका जनाइएको छ ।

 

क्याटेगोरी : banner, अन्तर्राष्ट्रिय
ट्याग : #आगलागी भारत, #बसमा आगलागी

---

---

---