शिक्षक, विद्यालय कर्मचारीहरुलाइ कार्यालय पोसाकमा टिकटक बनाउन निषेध

साझा पाना २०८२ भदौ ३१ गते ०९:०७ मा प्रकाशित

काठमाडौं, ३० भदौ । सरकारी तथा सामुदायिक विद्यालयका शिक्षक तथा कर्मचारीले स्कुलको पोशाकमा टिकटक तथा भिडिओ बनाउन नपाउने भएका छन् ।

शिक्षा, विज्ञान तथा प्रविधि मन्त्रालयले यस्तो निर्णय गरेको हो । कतिपय शिक्षक, कर्मचारीले बालमनोविज्ञानमा प्रत्यक्ष असर पुग्नेगरी कार्यालय समयमा तोकिएको पोशाकमा टिकटक, भिडिओ बनाएर पोष्ट गरेको गुनासो प्राप्त भएपछि यस्तो निर्णय गर्नुपरेको मन्त्रालयले जनाएको छ ।

मन्त्रालयले शिक्षक, कर्मचारीलाई त्यस्तो कार्य नगर्न निर्देशन दिन शिक्षा तथा मानवस्रोत विकास केन्द्रलाई पनि परिपत्र गरेको छ । भनिएको छ, ‘विद्यालयमा कार्यरत शिक्षक तथा कर्मचारीलाई सो कार्य नगर्न नगराउनका लागि आवश्यक समन्वय, सहयोग र सहजीकरणका लागि निर्देशानुसार अनुरोध छ ।’

क्याटेगोरी : समाचार
ट्याग : #पोसाकमा टिकटक बनाउन निषेध