संखुवासभामा लकडाउनले रोकिएको नियमित खोप सेवा शुरु ( भिडियो सहित )

साझापाना २०७७ वैशाख २० गते १३:४८ मा प्रकाशित

संखुवासभा– स्वास्थ्य कार्यालय संखुवासभाले बालबालिकाहरुलाई दिदै आएको नियमित खोपलाई निरन्तरता दिन थालेको छ । कोरोना भाईरस (कोभिड—१९ ) का कारण चैत ११ बाट अवरुद्ध भएको नियमित खोप सेवा गत बुधबारदेखि शुरु गरेको जिल्ला स्वास्थ्य प्रमुख रमेश बाह्रकोटीले बताउनुभयो । दुरी कायम गरेर खोप संचालन गरिएको बाह्रकोटीले बताउनुभयो ।

स्वास्थ्य सेवा विभागको निर्देशन पछि १ नम्बर प्रदेशका १४ जिल्लामा सामाजिक दुरी कायम गरेर खोप सेवा सुरु गरिएको हो । प्रदेश १ मा २ बर्ष मुनिका बालबालिका २ लाख बढी बालबालिकालाई १२ प्रकारका रोगबाट बचाउन ११ वटा खोप लगाईएको छ । विसिजी, डिपीटि, दादुरा रुवेला लगायतका नियमित खोप लकडाउन पछि चैत ११ बाट बन्द गरिएको थियो ।