काठमाडौं, ४ असार । इरानले आधिकारिक रूपमा इजरायलविरुद्ध युद्धको घोषणा गरेको छ ।

इरानी सर्वोच्च नेता अयातुल्लाह अली खामेनीले बुधबार एक्समा लेखे– युद्ध सुरु हुन्छ । हामी आतंककारी यहूदी शासनलाई कडा जवाफ दिनेछौँ । हामी उनीहरूलाई कुनै दया देखाउने छैनौँ ।

इरानी सर्वोच्च नेता खामेनीको घोषणासँगै इरानले इजरायलमा २५ वटा मिसाइल प्रहार गरेको अन्तर्राष्ट्रिय सञ्चारमाध्यमले जनाएका छन् ।

इरान र इजरायलबीच विगत छ दिनदेखि हिंसात्मक द्वन्द्व चलिरहेको छ ।

मिडिया रिपोर्टहरूका अनुसार अमेरिका पनि चाँडै इरान–इजरायल युद्धमा सामेल हुनसक्छ । मंगलबार क्यानडाबाट फर्केपछि अमेरिकी राष्ट्रपति डोनाल्ड ट्रम्पले ह्वाइट हाउसमा राष्ट्रिय सुरक्षा टोलीसँग बैठक गरे । यसपछि अमेरिकाले मध्य पूर्वमा थप लडाकु विमान पठाउने निर्णय गरेको बताइएको छ ।

इरान र इजरायलबीचको युद्धमा हालसम्म २२४ इरानी मारिएका छन् भने १,४८१ जना घाइते भएका छन् । यसबीच इजरायलमा अहिलेसम्म २४ जनाको मृत्यु भइसकेको छ भने ६०० भन्दा बढी घाइते भएका छन् ।

क्याटेगोरी : समाचार
ट्याग : #breaking, #अमेरिका पनि युद्धमा सामेल हुनसक्ने, #इरानी सर्वोच्च नेताद्वारा युद्धको घोषणा

---

---

---