टोखा नगरपालिकाको सार्वजनिक सुनुवाइ आज, १:३० बजे सहभागी हुन आग्रह

साझापाना २०८२ जेठ १७ गते १२:१३ मा प्रकाशित

टोखा । टोखा नगरपालिकाले आर्थिक वर्ष २०८१/८२ को सार्वजनिक सुनुवाइ जेठ १६ गते दिनको १:३० बजे नगरपालिकाको कार्यालय मैजुहिटीमा आयोजना गर्ने भएको छ ।

कार्यक्रममा नगरपालिकाले सञ्चालन गरेका योजनाका प्रगति, खर्च विवरण तथा प्राथमिकता सार्वजनिक गर्दै स्थानीयका सुझाव र गुनासा संकलन गर्नेछ ।

नगरप्रमुख प्रकाश अधिकारीले नगरवासीहरूसँग प्रत्यक्ष संवाद गरी नगरको शासकीय कारबाहीमा सबैको सहभागिता सुनिश्चित गर्न सार्वजनिक सुनुवाइ प्रभावकारी हुने भएकाले उपस्थितिका लागि अनुरोध गर्नुभएको छ।

टोखा नगरपालिकाले सबै वडाका जनप्रतिनिधि, नागरिक समाज, उद्योग-व्यवसायी, दलित तथा महिला समूह, युवा, ज्येष्ठ नागरिकसहित सम्पूर्ण नगरवासीलाई समयमै उपस्थित भई आफ्ना धारणा राख्न अनुरोध गरेको छ ।

नगरपालिकाले सार्वजनिक सुनुवाइलाई नियमित वार्षिक कार्य तालिकामा राख्दै आएको छ । प्राप्त सुझाव र प्रश्न–उत्तरले योजना छनोटदेखि बजेट विनियोजनसम्ममा नगरवासीको सहभागितालाई संस्थागत गर्ने विश्वास जनप्रतिनिधिले गरेका छन्।

टोखा । टोखा नगरपालिकाले आर्थिक वर्ष २०८१/८२ को सार्वजनिक सुनुवाइ जेठ १६ गते दिनको १:३० बजे नगरपालिकाको कार्यालय मैजुहिटीमा आयोजना गर्ने भएको छ ।