मकैसीङस्थित स्यामतेस र पाङखोलामा रहेका ३० घरधुरी चेपाङ परिवारलाई खाद्यसामग्री हस्तान्तरण

साझा पाना २०७७ वैशाख १७ गते २१:०८ मा प्रकाशित

गोरखाका, १७ बैशाख । गण्डकी गाउँपालिका वडा नं १ मकैसीङस्थित स्यामतेस र पाङखोलामा रहेका ३० घरधुरी चेपाङ परिवारलाई खाद्यसामग्री हस्तान्तरण गरिएको छ।

अष्ट्रेलियामा रहेका जोन घलेको सहयोगमा बिकास हाईड्रोका प्रबन्ध निर्देशक कृष्ण घिमिरे, निर्देशक सरोज धिताल र प्रेस संगठन काठमाडौँका संयोजक सागर पन्तको पहलमा उक्त खाद्यसामग्री हस्तान्तरण गरिएको हो।

बुधवार बुटारमा एक कार्यक्रमकावीच २० बोरा चामल, नुन र तेलसहितका खाद्यसामग्री हस्तान्तरण गरिएको संयोजक पन्तले जानकारी दिए।

गण्डकी गाउँपालिका वडा नं १ का प्रतिनिधिको रोहवरमा चेपाङ समुदायका परिवारलाई उक्त राहत हस्तान्तरण गरिएको हो । राहत हस्तान्तरण कार्यक्रममा नेकपा गण्डकी गाउँपालिकाका अध्यक्ष सिताराम रसाइली, वडा नंं. १ का सदस्य मीन बहादुर सुनार लगायतको उपस्थिति रहेको थियो।