देउवाको भारत भ्रमण अन्तिम समयमा स्थगित, यस्तो छ कारण

साझा पाना २०८१ फागुन ८ गते १३:२८ मा प्रकाशित

काठमाडौं, ८ फागुन । नेपाली काँग्रेसका सभापति शेरबहादुर देउवाको भारत भ्रमण अन्तिम समयमा स्थगित भएको छ ।

आज भारत जाने तय भएकोमा अन्तिम समयमा आएर स्थगित भएको हो । कुम्भ मेलाको आयोजनामा भएको ‘विश्व सम्मेलन’ मा वक्ताका रूपमा सहभागी हुन देउवा भारत जाने तय भएको थियो ।

कार्यक्रममा सहभागी हुने बहानामा भारतका शीर्ष नेताहरू प्रधानमन्त्री नरेन्द्र मोदी लगायतसँग देउवाले भेट गर्ने बताइएको थियो । तर भारतका शीर्ष नेतृत्वहरूले भेट नदिने भएपछि भ्रमण नै स्थगित भएको बताइएको छ ।

क्याटेगोरी : समाचार
ट्याग : #देउवाको भारत भ्रमण अन्तिम समयमा स्थगित, #यस्तो छ कारण