आमा गुमाएका दुई निर्दोष छोरी किरीयामा, परिवारको अवस्था दयनीय

साझापाना २०८१ माघ ९ गते ११:१८ मा प्रकाशित

– बर्दिवास (महोत्तरी)

महोत्तरीको बर्दिवास नगरपालिका वडा नं. १, बरगाछी टोल निवासी ३४ वर्षीया एक महिलाको मिर्गौला रोगका कारण निधन भएको छ । उपचारको क्रममा सम्पूर्ण आर्थिक स्रोत समाप्त भएपछि परिवार अत्यन्त दयनीय अवस्थामा पुगेको छ ।

दुई छोरीहरूले आमा गुमाएको पीडा सहन नसक्ने अवस्थामा किरीया गरिरहेका छन् । मिर्गौला रोगका कारण लामो समयदेखि संघर्ष गर्दै आएकी ती महिलाको परिवार अहिले अत्यन्त नाजुक अवस्थामा पुगेको छ । मृतकका परिवारलाई सहयोगका लागि स्थानीयस्तरमा अपिल गरिने क्रम जारी छ ।

यस्तो अवस्थामा मृतकका छोरीहरूको शिक्षा, स्वास्थ्य र भविष्यको लागि स्थानीय सरकार, संघसंस्था र समाजसेवीहरूले हातेमालो गर्नुपर्ने आवश्यकता देखिन्छ ।