पेस्तोलसहित दुई जना पक्राउ

साझापाना २०८१ माघ ७ गते १७:१५ मा प्रकाशित

ढल्केबर, माघ ७ गते । धनुषामा सशस्त्र प्रहरीले पेस्तोलसहित दुई जनालाई पक्राउ गरेका छन् । धनौजी गाउँपालिका–४, भडरियाबाट एक जना भारतीय नागरिकसहित दुई जनालाई पक्राउ गरिएको जनाइएको छ ।

सशस्त्र प्रहरी बल धनुषाका सशस्त्र प्रहरी उपरीक्षक दर्शन गिरीका अनुसार धनुषाको छिरेश्वरनाथ नगरपालिका–८, सीतानगरका २४ वर्षिय तेजेशकुमार महतो र भारतको मधुवनी जिल्लाको सिलानाथ बरही ग्राम पञ्चायत–५ का २१ वर्षिय रुपेशकुमार यादवलाई पेस्तोलसहित पक्राउ गरिएको छ ।

बीओपी धनौजीको सशस्त्र प्रहरी निरीक्षक रविन्द्र दाहाल नेतृत्वको टोलीले जाँच गर्ने क्रममा उनीहरुको साथबाट ९ एमएम बाउनिङ् पेस्तोल बरामद गरेको बताइएको छ । उनीहरुको साथबाट एक थान म्यागजिन र पेस्तोलमा प्रयोग हुने एक राउण्ड गोलीसमेत बरामद भएको सशस्त्र प्रहरी उपरीक्षक गिरीले बताउनुभयो ।

पक्राउ परेका दुवै जनालाई थप अनसन्धान तथा कारबाहीका लाग जिल्ला प्रहरी कार्यालय धनुषाको जिम्मा लगाइएको उहाँले जानकारी दिनुभयो ।

क्याटेगोरी : समाचार
ट्याग : #पेस्तोलसहित दुई जना पक्राउ