टोखामा दैनिक ज्यालादारी गर्ने तथा विपन्न बर्गका व्यक्तिहरुलाई राहत बितरण

साझापाना २०७६ चैत्र २४ गते १२:१३ मा प्रकाशित

काठमाडौँ । टोखा नगरपालिकाले आज वडा नं ५ मा राहत बितरण गरेको छ ।

राहात बितरण कार्यक्रममा टोखाका प्रमुख , प्रकाश अधिकारी , उपप्रमुख ज्ञानमाया डंगोल , वडा अध्यक्ष जगन्नाथ ढकाल ,नरोत्म राणा , कल्पना घिमिरे लगायतका जनप्रतिनिधिहरुको उपस्थितिमा राहात बितरण कार्य भएको छ ।

टोखा नगरपालिकाले कोरोना भाइरसको संक्रमणबाट नगरबासीहरुलाई लकडाउनका कारण प्रभावित भएका दैनिक ज्यालादारी गर्ने तथा विपन्न बर्गका व्यक्तिहरुलाई वडा कार्यालय मार्फत् राहत बितरण गर्न लागेको नगर प्रमुख प्रकाशअधिकारीले बताएका छन् ।

जनप्रतिनिधिहरुले विपन्न बर्गका व्यक्तिहरुको तथ्यांक संकलन गरिसकेपछि राहत बितरण सुरु गरिएको वडा अध्यक्ष जगन्नाथ ढकाले बताए ।