काठमाडौं । नेकपा एकीकृत समाजवादीनिकट विद्यार्थी संगठन अनेरास्ववियू पछिल्लो समय भारत र चीनले नेपाली भू-भाग लिपुलेकलाई तीर्थ यात्रु आवतजावतको केन्द्र बनाउने सहमति गरेकोप्रति आपत्ति जनाएको छ।

 

अनेरास्ववियूकी आरती लामाले एक विज्ञप्ति जारी गर्दै चीनको राजधानी बेइजिङमा भारत र चीनका प्रतिनिधिहरुबीच नेपाली भू-भागको उपयोगबारे सहमति हुँदा नेपाल सरकार बेखबर रहेकोप्रति आपत्ति जनाएकी हुन्।

विषय सार्वजनिक भइसक्दा समेत सरकारी तवरबाट कुनै प्रतिक्रिया नआउनु अत्यन्त लज्जास्पद भएको अनेरास्ववियुको निष्कर्ष छ ।

विज्ञप्तिमा भनिएको छ, ‘अनेरास्ववियू छिमेकी मुलुकहरुले मच्चाएको सीमा आतंक र हेपाहा प्रवृत्ति विरुद्ध खेद प्रकट गर्दै नेपाल विरुद्धका गतिविधि रोक्न चेतावनी दिन चाहन्छ । साथै नेपाली भूभागमाथि भइरहेको अत्याचार विरुद्ध यथाशीघ्र आफ्नो धारणा सार्वजनिक गर्न नेपाल सरकार समक्ष अनुरोध गर्दछ ।’

यस्तै, नेकपा एकीकृत समाजवादीका सम्मानित नेता झलनाथ खनालले पनि सरकार देशको सीमा रक्षामा असफल भएको आरोप लगाएका छन्। कञ्चनपुरको सीमा क्षेत्रमा भारतले एक हजार बिघा जमिन कब्जा गर्दा पनि सरकार बोल्न नसकेको भन्दै आलोचना गरेका छन्।

क्याटेगोरी : समाचार
ट्याग : #breaking, #लिपुलेकबारे भारत र चीनबीचको सहमतिपछि गोकुल बास्कोटाले भने- नेपाललाई हेप्न खोजियो

---

---

---