ताक्लुङदेखि गण्डकी गाउँपालिका जाने सडक सात दिन बन्द

साझापाना २०८१ मंसीर २० गते १२:४९ मा प्रकाशित

मङ्सिर २० गते । गोरखाको शहिद लखन गाउँपालिका अन्र्तगत पर्ने वडा ४ ताक्लुङदेखि गण्डकी गाउँपालिकाको १ बुटार सडक खण्ड एक हप्ताको लागि बन्द हुने भएको छ ।

शहिद लखन गाउँपालिकाको वडा नम्बर ४ ताक्लुङदेखि गण्डकी गाउँपालिका–१ बुटारसम्म १२ किलोमिटर सडक खण्ड ७ दिनको लागि बन्द हुने भएको शहिद लखन गाउँपालिकाका–४ का अध्यक्ष याम बहादुर थापा मगरले जानकारी दिुनुभयो ।

उहाँका अनुसार गण्डकी प्रदेश सरकार भौतिक पुर्बाधार मन्त्रालय पोखराको आर्थिक वर्ष २०८०-०८१ को बार्षिक स्वीकृत कार्यक्रम अन्र्तगत ५ करोड रुपियाँमा सडक स्तरउन्नति गर्ने काम भएकाले ताक्लुङदेखि राईनास बुटार जाने चोकसम्म सबारी आवगमनमा पुर्ण रुपमा बन्द गरिएकाले वैकल्पिक मार्गको खोजी गरी सवारीसाधन सञ्चालन गर्न गाउँपालिकाले आग्रह गरेको छ ।

उक्त सडक बाटो भएर यात्रा गर्ने यात्रुलाई केहि दिनको लागि असहज भएता पनि केहि दिन पछि सडक स्तरउन्नित भएपछि ताक्लुङ देखि गण्डकी गाउँपालिकाको बुटारसम्म आवतजावत गर्न सहज यात्रा बनाईने गाउँपालिकाद्वारा बिहिबार निकालिएको सुचनामा भनिएको छ ।

क्याटेगोरी : समाचार
ट्याग : #ताक्लुङदेखि गण्डकी गाउँपालिका जाने सडक सात दिन बन्द