काठमाडौंमा जागरणसभा बढ्दो अराजकताविरुद्ध र कानूनीराजका पक्षमा :नारायण सीलवाल

साझापाना २०८१ कात्तिक २९ गते १२:३२ मा प्रकाशित

काठमाडौं । नेकपा एमालेका केन्द्रीय सदस्य तथा काठमाडौ क्षेत्र नं ६ ईन्चार्ज नारायण सीलवालले जागरण अभियान मुलुकमा बढ्दो अराजकता, अस्थिरताका विरुद्ध लोकतन्त्र, शान्ति, राष्ट्रिय एकता, सामाजिक सद्भाव, सुशासन, समृद्धि र विकासका लागि हुने बताउनु भएको छ ।

बुधबार काठमाडौ क्षेत्र नं ६ को बैठकलाई सम्बोधन गर्नुहुँदै उहाँले यस्तो बताउनु भएको हो ।

विकासका लागि विधिको शासन र कानूनी राजका पक्षमा जनमत निर्माण गर्ने उद्देश्यका साथ गर्न लागिएको जागरण सभाले पार्टीको दृष्टिकोण, धारणा, आमजनताका बीचमा पुर्याउने उद्देश्य लिएको उहाँको भनाई छ ।

एमाले काठमाडौं, ललितपुर र भक्तपुर तीन जिल्लाको संयुक्त आयोजनामा मङ्सिर ७ गते काठमाडौंमा हुने जागरण सभाको तयारीका लागि बुधबार बसेको बैठकले ११ सदस्सीय संयोजन समिति बनाएको हो ।

बैठकले सभालाई प्रभावकारी बनाउन, गालिका , वडा र टोल सुधार कमिटि सम्म परिचालन गरि जनपरिचालन, जनसभा, जनप्रदर्शन समेतको व्यवस्था मिलाएको छ ।

क्याटेगोरी : समाचार