अधुरा आयोजनाहरू निर्माण सम्पन्न गर्ने लक्ष्यका साथ सरकारले काम गरिरहेको छ : मन्त्री खड्का

साझा पाना २०८१ भदौ १८ गते २३:५५ मा प्रकाशित

काठमाडौँ । ऊर्जा, जलस्रोत तथा सिँचाइ मन्त्री दीपक खड्काले अधुरा आयोजनाहरू निर्माण सम्पन्न गर्ने लक्ष्यका साथ काम गरिरहेको बताउनुभएको छ । मंगलबार राष्ट्रिय सभामा सांसदहरूले उठाएका प्रश्नहरूको जवाफ दिँदै उहाँले यस्तो बताउनुभएको हो ।

मन्त्री खड्काले बुढीगण्डकी जलविद्युत आयोजना लगायतका अधुरा आयोजना निर्माण सम्पन्न गर्नेगरी अघि बढेको बताउनुभयो । उहाँले रानी जमरा कुलरीया सिँचाइ प्रणाली नेपालको सुदूरपश्चिम प्रदेशको कैलाली जिल्लामा अवस्थित कृषकबाट निर्माण गरी व्यवस्थापन समेत गरिएको सबैभन्दा ठुलो सिँचाइ प्रणाली भएको बताउनुभयो ।

मन्त्री खड्काले उक्त आयोजनाको वित्तीय प्रगति ७२.३९ प्रतिशत र भौतिक प्रगति ७४.३६ प्रतिशत भएको बताउनुभयो। उहाँले उक्त आयोजनामा हालसम्मको कुल खर्च २० अर्ब ५ करोड ३० लाख भएको बताउनुभयो। यसमा ४.१७ मेगावट विद्युत पनि उत्पादन भर्खरै सम्पन्न भएको भन्दै सम्पूर्ण आयोजनाको ३८ हजार हेक्टरलाई ३ भागमा विभाजन गरेका काम भइरहेको मन्त्री खड्काले बताउनुभयो । पहिलो र दोस्रो विश्व बैंकको लगानीमा २० हजार हेक्टर सिँचाइ गर्ने थियो त्यसमा १८ हजार थपिएर ३८ हजार ३ सय सिँचाइ गर्ने भनिएको खड्काले बताउनुभयो ।

क्याटेगोरी : समाचार
ट्याग : #उर्जा, #जलस्रोत तथा सिंचाई मन्त्री दीपक खड्का, #सिचाइ