संखुवासभाको दुर्गम मकालुमा प्रहरी चौकी स्थापना

खांदबारी- संखुवासभाको दुर्गम मकालु गाउँपालिका–४ कारमाराङमा अस्थायी प्रहरी चौकी स्थापना गरिएको छ ।

स्थानीयस्तरमा शान्ति सुरक्षा कायम गरी अपराध न्यूनीकरण गर्न स्थानीयको मागअनुसार प्रहरी चौकी स्थापना गरिएको हो । जिल्ला प्रहरी कार्यालय संखुवासभाका प्रमुख डीएसपी घनश्याम श्रेष्ठका अनुसार मकालु गाउँपालिकाको कारमाराङमा प्रहरी राखेपछि स्थानीय खुसी भएका छन् ।

जिल्ला प्रहरी कार्यालय संखुवासभाबाट २ दिन पैदल हिँडेपछि कारमाराङ पुगिन्छ । केही घटना भए इलाका प्रहरी कार्यालय हेदांना संखुवासभाबाट पनि कम्तीमा ६ घण्टा पैदल हिँडेपछिमात्रै पुगिन्थ्यो । प्रहरी चौकी स्थापनासँगै हवल्दार यामेश्वर धिमालको नेतृत्वमा ५ जनाको टोली खटाइएको छ ।

                                                                                                      —