सिनामंगलमा ट्रिपरले बाइकलाई ठक्कर दिँदा ३ जनाको मृत्यु

साझा पाना २०७६ भदौ ९ गते ०३:३७ मा प्रकाशित

सिनामंगलमा ट्रिपरले बाइकलाई ठक्कर दिँदा ३ जनाको मृत्यु भएको छ । बा ३ ख ४३१६ नम्बरको ट्रिपरले ३ वटा बाईकलाई हिर्काएको प्रहरीले जनाएको छ । ट्रिपरको ठक्करबाट ३ जनाको घटनास्थलमै मृत्यु भएको छ भने ३ जना गम्भीर घाईते भएका छन् ।

एयरपोर्टबाट आएको ट्रिपरले विपरित दिशाबाट आइरहेका ३ वटा मोटरसाइकललाई ठक्कर दिँदा घटना भएको हो ।

विपरित दिशाबाट आएको ट्रिपरले बा ८५ प ५६९, ज ४३ प ९७५३ नम्बरको मोटरसाइकल र नम्बर नखुलेको अर्को मोटरसाइकललाई ठक्कर दिएको काठमाडौं प्रहरी प्रमुख एसएसपी उत्तमराज सुवेदीले बताए ।

क्याटेगोरी : समाचार
ट्याग : #ट्रिपर