एमाले काठमाडौंकोमा क-कसको उम्मेदवारी ? (सूचीसहित)

काठमाडौं । नेकपा एमाले काठमाडौं जिल्ला कमिटीको निर्वाचनमा उम्मेदवारी दर्ता भएको छ । अध्यक्षमा दीपक निरौला र निर्मल देउलाले उम्मेदवारी दर्ता गराएका हुन् ।

उपाध्यक्षमा विश्वराम सापकोटा, नवराज पराजुली, नवराज भट्ट र विदुर विक्रम खड्काले उम्मेदवारी दिएका छन् । सचिवमा राजेश शाक्य र सत्यनारायण डंगोल, उपसचिव (खुला) मा उद्धव भण्डारी र गुञ्जमान सिंह बस्नेत, (महिला) मा विन्दु महर्जन र तारा सिंखडा पुडासैनी प्रतिस्पर्धीको रूपमा छन् ।

पदाधिकारी तथा सबै सदस्य पदमा निर्वाचन हुने लागेको हो । शनिबार पार्टी अध्यक्ष केपी शर्मा ओलीले अधिवेशनको उद्घाटन गर्दै नेतृत्व सर्वसम्मत चयन गर्न निर्देशन दिएका थिए । तर, सहमति जुट्न नसकेपछि ओलीको निर्देशनविपरीत मतदान हुन लागेको हो ।

ओलीले निर्वाचनमा जाने भए पनि प्यानल बनाएर गए कारबाही हुने चेतावनी दिएका थिए ।