अनेरास्ववियुको विद्यार्थी महोत्स :एक लाख विद्यार्थी सहभागी हुँदै

साझापाना २०८१ वैशाख २८ गते १०:२४ मा प्रकाशित

काठमाण्डौं । नेकपा एमालेको विद्यार्थी संगठन अखिल नेपाल स्वतन्त्र विद्यार्थी युनियन (अनेरास्ववियु)ले जेठ १ देखि ३ गतेसम्म काठमाडौंमा आयोजना हुन लागेको विद्यार्थी महोत्सवको तयारी पूरा गरेको छ ।

भृकुटीमण्डपमा देशभर रहेका पाँच सय वटा शैक्षिक संस्थाबाट एक लाख विद्यार्थीलाई महोत्सवमा सहभागी गराउने लक्ष्य राखिएको अनेरास्ववियुका उपाध्यक्ष एवं महोत्सव मुल आयोजक समितिका संयोजक धर्म गिरीले जानकारी दिए ।

देशभरका विद्यार्थीका विभिन्न नविनतम प्रतिभा महोत्सव स्टलमा राखिने जनाइको छ । महोत्सव अविधभर निःशुल्क स्वास्थ्य शिविर, सात वटै प्रदेशबाट साँस्कृतिक एक्सपोसमेत संचालन हुनेछ । विभिन्न क्षेत्रका तीन सय वटा स्टल रहनेछन् । सामुदायिक र सरकारी विद्यालयलाई स्टल निःशुल्क रुपमा व्यवस्था गरिएको संंयोजक गिरीले जानकारी दिए ।

विद्यार्थीका लागि यो अति नै उपयोगी हुने र विद्यार्थीलाई देशमै केही गर्न सकिन्छ भन्ने खालको सकरात्मक सन्देश दिनका लागि पनि महोत्सव कोशेढुंगा सावित हुने

उनका अनुसार नेपालको शिक्षा प्रणाली, जागिरका लागि परामर्श, युवा विद्यार्थीलाई संसदीय प्रणालीबाट जानकारी लगायत विषयमासमेत सामूहिक छलफल गरिनेछ । महोत्सव अवधिभर दिउँसो तीन बजेदेखि साँझ सातबजेसम्म सांस्कृतिक कार्यक्रमसमेत संचालन हुनेछ ।

पूर्व प्रधानमन्त्री एवम नेकपा (एमाले)का अध्यक्ष केपी शर्मा ओलीले उद्घाटन गर्ने महोत्सवमा विद्यार्थी आन्दोलनलाई रचनात्मक गतिविधिसँग जोड्ने, विद्यार्थीको बहुआयामिक प्रतिभालाई उजागर गर्ने, युवामा रहेको कला, संस्कृति, सूचना प्रविधि र विज्ञानमा विद्यार्थीका कामका बारेमा पनि जानकारी गराइने आयोजकले जनाएको छ । विद्यार्थी महोत्सव सञ्चालन अवधिभर ६० देखि ७० लाख रुपैयाँ खर्च हुने अनुमान गरिएको छ ।

क्याटेगोरी : समाचार
ट्याग : #breaking, #अनेरास्ववियुको विद्यार्थी महोत्स