पश्चिमी वायुको प्रभावले आंशिक बदली कायमै
धनगढी, वैशाख २१ गते । नेपाल–भारत सीमावर्ती बजार नेपाली लागुऔषध दुर्व्यसनीको अखडा बन्न थालेका छन् । सीमावर्ती भारतका बजारमा लागुऔषध सहज रूपमा उपलब्ध हुने भएकाले नेपाली प्रयोगकर्ताको अखडा बन्न थालेका हुन् । कैलाली र कञ्चनपुरका लागुऔषध प्रयोगकर्ता भारततर्फको सीमावर्ती बजार वनगाँवा र पलिया पुग्ने गरेका छन् । त्यहाँ पुग्ने युवकयुवती लागुऔषध प्रयोग गरी लट्ठिएर तथा बरालिएर हिँड्ने गरेको पाइएको छ ।
यसैबिच लागुऔषध प्रयोग गरी बेहोस अवस्थामा रहेका धनगढीका तीन युवतीलाई भारतीय प्रहरीले बुधबार पलियाबाट उद्धार गरी नेपालका सुरक्षा अधिकारीको जिम्मा लगाएको छ ।
लागुऔषध प्रयोग गरी लट्ठिएका युवतीलाई भारतीय सुरक्षाकर्मीले गौरीफन्टा नाका पुर्याएको जिल्ला प्रहरी कार्यालय कैलालीका प्रवक्ता कविन्द्रसिंह बोहोराले बताउनुभयो । उनीहरूलाई आफन्तको जिम्मा लगाइएको छ ।
भारतीय बजारमा नेपाली लागुऔषध दुव्र्यसनीको चहलपहल बढेको भारतीय प्रहरी यादवेन्द्र यादवले बताउनुभयो । सीमावर्ती भारतीय बजार नेपाली दुव्र्यसनीको अखडा बनेकोमा चिन्ता व्यक्त गर्दै उहाँले युवती असुरक्षित हुने समस्या देखिएको बताउनुभयो । नेपाली लागुऔषध प्रयोगकर्ताका कारण भारतीय बजार बदनाम हुन थालेपछि प्रहरीले उनीहरूको सूची तयार पार्ने, खोजी गर्ने र पक्राउ गरेर नेपाललाई बुझाउने कार्य गरिरहेको छ ।
क्याटेगोरी : समाचार
ट्याग : #hot, #पश्चिमी वायुको प्रभावले आंशिक बदली कायमै
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा
तपाईको कमेन्ट लेख्नुहोस्