मकालुमा भिरबाट लडेर एकजना भेडी गोठालोको मृत्यु

साझापाना २०८० चैत्र १४ गते ०७:४९ मा प्रकाशित

खांदबारी – सङ्खुवासभाको मकालु गाउँपालिका ५ सुक्साम्बा भीरबाट लडेर एक जना भेडी गोठालाको मृत्यु भएको छ । मृत्यु हुनेमा मकालु ५ माङ्सिमा राई गाउँका ६२ वर्षीय हरिप्रसाद राई छन् ।

जिल्ला प्रहरी कार्यालय संखुवासभाका प्रहरी निरीक्षक अशोक जगेबुका अनुसार आइतबार भेडा चराउन गएका राई फर्केर नआएपछि खोजी गर्दा सोमबार मकालु ५ स्थित जुकेपानी खोल्सामा मृत अवस्थामा स्थानीयले फेला पारेका थिए । मृतक राई भेडी गोठमा काम गर्दै आएका थिए । घटनास्थल सदरमुकाम खाँदबारीदेखि एक दिनको पैदल दूरीमा पर्दछ ।

क्याटेगोरी : समाचार
ट्याग : #भिरबाट लडेर मृत्यु, #मकालु, #संखुवासभा