प्रधानमन्त्री पुष्पकमल दाहाल प्रचण्डले आफ्नो सचिवालय र सल्लाहकार टिम परिवर्तन गर्ने तयारी गरेका छन् ।

छोरी गंगादाहालसहितको  सचिवालय टिम एक पछि अर्को विवादमा तानिन थालेपछि सचिबालय र सल्लाकारको पुरै सेट परिवर्तन गर्ने तयारीभएको बुझिएको छ । बालुवाटार स्रोतले भने अन्य परिवर्तन भएपनि प्रमुख स्वकिय र   प्रेस सल्लाहाकारलाई निरन्तरता दिनसक्नेबताएको छ । सचिवालयले गर्दा प्रधानमन्त्री थप विवादमा तानिएको एक अर्काबिच समन्वय नभएको लगायतका बिषयमा असन्तुष्टिजनाउदै प्रमुख राजनीतिक सल्लाहकार हरिबोल गजुरेलले यसअघि नै राजीनामा बुझाएका छन ।

सचिवालय परिवर्तन गर्नेबारे प्रधानमन्त्रीले आन्तरिक छलफल थालिसकेका छन् ।

हाल प्रधानमन्त्रीको सल्लाहाकारहरुमा रामदीप आचार्य , देवेन्द्र पराजुली, रामदीप आचार्य, गोविन्द आचार्य, रूपक सापकोटा छन् ।प्रमुख स्वकीय सचिवमा सन्तु दराई, स्वकीय सचिवमा रमेश मल्ल, गंगा दाहाल, स्वकीय उपसचिवमा ओमकुमारी पौडेल, रमेश गुरागाई, सावित्री अधिकारी र गोकर्ण भट्ट छन् ।

यस्तै जनसम्पर्क विज्ञमा बुद्धि जिसी, स्वास्थ्य विज्ञमा दीपेन्द्र खड्का, प्रेस विज्ञमा मनहरि तिमिल्सिना, प्रेस संयोजक सूर्यकिरण शर्मा, सूचना प्रविधि विज्ञ प्रकाश रायमाझी छन् । प्रधानमन्त्रीको सचिवालयमा निजामतीतर्फबाट सहसचिव अर्जुन भण्डारी , शाखाअधिकृतहरू सागर केसी, सन्तोष ढुंगाना र मोहोदत्त अधिकारी छन् । प्रमुख राजनीतिक सल्लाहाकार रहेका हरिबोल गजुरेललेयसअघिनै राजीनामा दिईसकेका छन् ।

नयॅा परिवर्तन गर्दा सचिबालयमा कसकसलाई ल्याउने भन्ने तयारी भने अहिलेसम्म शुरू भएको छैन ।

क्याटेगोरी : समाचार
ट्याग : #breaking, #प्रधानमन्त्रीले छोरी गंगा

---

---

---