टोखा काठमाडौ । साउथवेस्टर्न स्टेट कलेजको आयोजनामा शिक्षकहरुका लागि  Data Analytics for Research using JAMOVI कार्यशाला सम्पन्न भएको छ । बिशेष गरि कलेजले अनुसन्धान कार्य गरिरहेका अनुसन्धानकर्ता एवम् विश्वविद्यालय तहमा प्राध्यापनरत शिक्षकहरुलाई कार्यशाला सम्पन्न गरिएको कलेजका प्राज्ञिक प्रमुख रवि चापागाईंले बताउनुभयो ।

प्राज्ञिक प्रमुख चापागाँइका अनुसार सो कार्यशाला कार्तिक १७ देखि कार्तिक २५ गते सम्म चलेको थियो । र्काक्रमको समापन समारोह त्रिभुवन विश्वविद्यालय व्यवस्थापन संकायका डीन प्रा. डा डिल्लीराज शर्माको प्रमुख आतिथ्यता सम्पन्न भएको हो ।

सोही समारोहमा सहायक क्याम्पस प्रमुख हरि सिंह के.सीले सहभागीहरुलाई प्रमाणपत्र प्रदान गर्नुहुन्दै प्रभावकारी शिक्षण सिकाई गतिविधि र शिक्षकको पेशागत व्यावसायिकता वृद्धि गर्नका लागि यो तालिम आयोजना गरिएको जानकारी दिँदै सिकाइलाई स्वतन्त्रता र विद्यार्थीकेन्द्रित बनाउनुपर्नेमा जोडदिनुभयो ।

साउथवेष्टर्न स्टेट कलेजले आषाढ महिनामा मात्रै शिक्षासँग सम्बन्धित अन्तरक्रिया, तालिम, कार्यशाला गोष्ठि जस्ता तीन दर्जनभन्दा बढी कार्यक्रम सम्पन्न गरिसकेको छ । गुणस्तरीय शिक्षाका लागि पेशागत व्यावसायिकता पी।डि। सार्वजनिक निजी साझेदारी (पब्लिक–प्राइभेट पार्टनरसिप) र संस्थागत सार्वजनिक उत्तरदायित्व (सि।एस।आर) अन्तर्गत साउथवेष्टर्न कलेज निरन्तर सरोकारवाला सबैसँग सहकार्य गर्दै आएको छ।

 

.

क्याटेगोरी : समाचार
ट्याग : #साउथवेस्टर्न स्टेट कलेजको आयोजनामा Data Analytics for Research using JAMOVI कार्यशाला सम्पन्न

---

---

---