जुम्लामा अटो दुर्घटनाहुँदा दुईको मृत्यु,एक घाइते

साझा पाना २०८० कात्तिक १९ गते १०:४४ मा प्रकाशित

जुम्ला । जुम्लामा शनिवार राती अटो दुर्घटना हुँदा दुईजनाको घटनास्थलमै मृत्यु भएको छ भने एक जना घाइते भएका छन् । हिमा गाउँपालिका वडा नं १ स्थित नाग्मबाट दियारगाउँ जाँदै गरेको भे १ ह ३९९७ नम्बरको अटो बड्की गाउँ नजिक दुर्घटना हुँदा हिमा( १ निवासी अन्दाजी वर्ष ४५ का अटो चालक पदम शाही र सोही वडाका अन्दाजी वर्ष ४२ का यात्रु बलि रोकायाको मृत्यु भएको जुम्लाका प्रहरी नायब उपरिक्षक ९डिएसपी० प्रल्हाद कार्कीले जानकारी दिनुभयो ।

दुर्घटनामा स्थानीय नन्द रोकाया घाइते भएका छन् । घाइते रोकायाको अवस्था गम्भीर रहेकोले उपचारका लागि कर्णाली स्वास्थ्य विज्ञान प्रतिष्ठान पुर्‍याइएको डिएसपी कार्कीले बताउनुभयो ।

दुर्घटनाको खबर पाउने बित्तिकै घाइतेको उद्धारका लागि पालिकाको एम्बुलेन्स पठाइएको सिञ्जा गाउँपालिका अध्यक्ष पूर्ण प्रसाद धितालले बताउनुभयो । उहाँका अनुसार अटो सडकबाट ५ सय मिटर तल खोलामा खसेको हो ।

क्याटेगोरी : समाचार
ट्याग : #एक घाइते, #जुम्लामा अटो दुर्घटनाहुँदा दुईको मृत्यु