हङकङविरुद्ध नेपालको शानदार जीत

साझापाना २०८० कात्तिक २ गते १४:०६ मा प्रकाशित

काठमाडौं,२ कार्तिक । त्रिकोणात्मक टी-२० सिरिज अन्तर्गत नेपालले लगातार दोस्रो जीत दर्ता गराएको छ ।

बिहीबार भएको खेलमा हङकङलाई ६ विकेटले पाखा लगाउँदै नेपालले जितको लयलाई कायमै राखेको हो ।

हङकङले दिएको ९५ रनको सामान्य लक्ष्य नेपालले १३ ओभरमा ४ विकेटको क्षतिमा पूरा गर्यो । नेपालका लागि आसिफ शेखले सर्वाधिक ४२ रन बनाए । ठूलो सट हान्ने चक्करमा आसिफ आउट भएका थिए । उनले ३४ बल खेल्दै ६ चौका मदतमा ४२ रन बनाएका हुन् ।

त्यस्तै कप्तान रोहितकुमार पौडेलले २ छक्का र १ चौकाको मद्दतमा नटआउट २५ रन बनाउँदा २ छक्का हिर्काएका गुल्सन झाले १४ रन जोड्दै नटआउट रहे । भने कुशल भूर्तेलले ८ र सन्दीप जोराले ३ रन थपे । हङकङका लागि एइसान खानले ३ विकेट लिए ।

यसअघि टस हारेको हङकङले १९ ओृभरमा अलआउट हुँदै केवल ९४ रन जोड्न सक्यो । उसका लागि हङकङका लागि यासिम मुर्ताजाले सबैभन्दा बढी ३६ रन जोडे। उनले ३६ बलमा २ चौका र १ छक्का हिर्काए। जीशन अलीले १७ रन जोड्दा हङकङका अरु ब्याटरले दोहोरो अंकमा रन जोड्न सकेनन्।

हङकङका सुरूवाती पाँचसहित कुल ९ ब्याटरले दोहोरो अंकमा रन जोड्न सकेनन्। नेपालका करण केसीले पहिलो बलमै हङकङका कप्तान निजाकत खान बोल्ड भएका थिए।

बलिङमा नेपालका करण केसीले ४ विकेट लिए। उनले ४ ओभरमा १५ रन खर्चिए। यस्तै सोमपाल कामी र अभिनास बोहराले २९२ विकेट लिए।

यसअघि नेपालले बुधबार युएईलाई ७ विकेटले पराजित गरेको थियो। अब नेपालले शनिबार हङकङ र सोमबार युएईसँग खेल्नेछ। त्यसपछि अंक तालिकाको शीर्ष स्थानमा रहने दुई टिमबीच फाइनल हुनेछ।

क्याटेगोरी : समाचार, खेलकुद
ट्याग : #breaking, #हङकङविरुद्ध नेपालको शानदार जीत