बुटवल, १३ असोज । नेकपा (एमाले) निकट अनेरास्वियु लुम्बिनी प्रदेशको अध्यक्षमा रोल्पाका सन्तोष बाठा सर्वसम्मत निर्वाचित भएका छन् ।

शुक्रबार बुटवलमा भएको प्रथम प्रदेश अधिवेशनले सन्तोषको नेतृत्वमा ५१ सस्दसीय कमिटी चयन गरेको हो ।

कमिटीको उपाध्यक्षहरुमा नारायण भुसाल, मदन भण्डारी, सरोज ठकुरी, सचिवमा रमेश ढकाल, सहसचिवमा मनिषा ज्ञवाली र शोभाखर गिरी, कोषाध्यक्षमा अन्जित खनाल निर्वाचित भएका हुन् ।

त्यसैगरी कार्यालय सचिव तथा संगठन विभाग प्रमुखमा हेमन्त घिमिरे सर्वसम्मत निर्वाचित भएका छन् ।

एमाले केन्द्रीय सदस्य तथा विद्यार्थी इन्चार्ज किशोरविक्रम मल्लले निर्वाचित नेतृत्वको घोषणा गर्दै पार्टीले बनाएका योजना कार्यान्वयनमा पूर्णरुपले लाग्न निर्देशन गरेका थिए ।

क्याटेगोरी : समाचार
ट्याग : #hot, #अनेरास्वियु

---

---

---