६ वर्षीया बालिका सहित दुई परिवार गरि ९ जनाको सामुहिक हत्या

साझापाना २०७६ जेठ ७ गते ०४:३४ मा प्रकाशित

पाँचथर, ७ जेठ । पाँचथर जिल्लामा दुई परिवारका ९ जनाको हत्या भएको छ ।

मिक्लाजुङ गाउँपालिका ३, आरुबोटे भन्ने स्थानमा दुई परिवारका ९ जनाको हत्या भएको हो । एक बालिका घाइते छिन् ।

जिल्ला प्रहरी कार्यालय पाँचथरका प्रहरी निरीक्षक अनिल पौडेलले २ परिवारका ९ जनाको हत्याको जानकारी पाएपछि प्रहरी घटनास्थल जान लागेको मंगलबार बिहान जानकारी दिए ।

एक समूहले धारिलो हतियार प्रहार गरी अन्धाधुन्ध हत्या गरेको बयान प्रहरीलाई घाइते बालिकाले बताएकी छिन ।

१ बालिका घाइते भएकी छन् । उनलाई उपचारका लागि अस्पताल लगिएको प्रहरीले जनाएको छ ।

हत्या कसले किन गरेको खुल्न सकेको छैन । प्रहरी टोली हत्या भएको स्थलतर्फ लागिसकेको छ ।

हत्या हुनेहरुमा ३६ वर्षीया जस्मिता फियाक, ४१ वर्षीय धनराज शेर्मा, २६ वर्षीया मनकुमारी फियाक, छ वर्षीया इक्सा शेर्मा, १३ वर्षीया योवना शेर्मा, आठ वर्षीया मुना शेर्मा, ७४ वर्षीय बमबहादुर फियाक, बमबहादुरकी श्रीमती र १२ वर्षीया आशिका खजुम लिम्बू रहेका छन् ।

क्याटेगोरी : समाचार
ट्याग : #हत्या