काठमाडौं नेपाल राष्ट्र बैंकले दैनिक आयात हुने सुनको कोटा बढाउने निर्णय गरेको छ । राष्ट्र बैंकले दैनिक १० किलोग्राम सुन आयात गर्न मिल्ने व्यवस्थालाई बढाएर २० किलोमा विस्तार गरेको हो । उद्योग, वाणिज्य तथा आपूर्ति मन्त्री रमेश रिजालले दैनिक आयात हुने सुनको कोटा २० किलो पुगेको जानकारी दिए । उद्योग, वाणिज्य तथा आपूर्ति मन्त्रालयको पहलमा सुनको आयात कोटा बढेको उनको भनाइ छ । सुनको आयात कोटा बढाउने बैठकमा आफूसहित उक्त पहलमा अर्थमन्त्री रामशरण महत र गर्भनर महाप्रसाद अधिकारी समेत सहभागी रहेको उनले स्मरण गरे । यद्यपी, केन्द्रीय बैंकले सुनको आयात कोटा बढाउन परिपत्र भने जारी गरिसकेको छैन ।

बैठकपछि उद्योग वाणिज्य तथा आपूर्ति मन्त्रालयले केन्द्रीय बैंकलाई सुनको आयात कोटा बढाउन सिफारिस गरेको थियो । यसअघि, विदेशी मुद्राको सञ्चितीमा चाप परेपछि केन्द्रीय बैंकले सुनको आयात कोटा १० किलोग्राममा झारेको थियो । तर प्रतिदिन आउने १० किलोग्राम सुनले बजार माग नधान्नेमा सबै निकाय जानकार थिए । सोहीकारण, कोटा बढाएर प्रतिदिन २० किलोग्राम पु¥याएपनि यसले समेत माग नधान्ने व्यवसायी बताउँछन् । नेपाल सुनचाँदी व्यवसायी महासंघका अध्यक्ष मणिकरत्म शाक्य नेपालमा दैनिक ३० देखि ३५ किलोग्राम सुनको माग रहेको बताउँछन् । व्यवसायीहरुले निरन्तर सुनको कोटा बढाउन माग गर्दै समेत आएका छन् ।

थप समाचार

टोखा नगरपालिकाको दोस्रो नगर खेलकुद प्रतियोगिता सुरु, वादोकाई करातेबाट उद्घाटन,…

रास्वपा बैठकमा उठ्यो रवि–बालेन सम्बन्धको चिसोदेखि न्यायाधीशको महाभियोग

अर्नब चक्रवातको प्रभाव कमजोर हुँदै, मौसममा क्रमिक सुधार

कुलेखानी जलाशय भरिँदै, तल्लो तटीय क्षेत्रका बासिन्दालाई सतर्क रहन आग्रह