बारामा मोटरसाइकल दुर्घटना एक युवकको मृत्यु

साझा पाना २०८० असोज ४ गते १४:४१ मा प्रकाशित

वीरगंज । कलैया सडकखण्ड अन्तर्गत बाराको फेटा गाँउपालिका-१ भलुहीमा बुधवार राति मोटरसाइकल दुर्घटना हुँदा एक युवकको मृत्यु भएको छ ।

वीरगंजबाट कलैयातर्फ आउँदै गरेको प्र।०२–०३–०१७ प ७९५० नम्बरको मोटरसाइकल अनियन्त्रित भई पल्टिँदा मोटरसाइकल चालक कलैया उपमहानगरपालिका-२३ बैराठपुर बस्ने २३ वर्षीय श्रीभगवान पटेलको मृत्यु भएको जिल्ला प्रहरी कार्यालय बाराका प्रवक्ता डीएसपी दधीराम न्यौपानेले जानकारी दिए ।

दुर्घटनामा सिकिस्त घाइते भएका पटेललाई उपचारका लागि कलैया अस्पताल लैजाने क्रममा मृत्यु भएको प्रहरीले जनाएको छ । मृतकको शव परीक्षणको लागि कलैया अस्पतालमा राखिएको र घटनाबारे थप अनुसन्धान भइरहेको प्रहरीले जनाएको छ ।

क्याटेगोरी : समाचार
ट्याग : #मृत्यु