बागमती प्रदेशसभाको बैठक स्थगित

साझा पाना २०८० भदौ २० गते १४:१२ मा प्रकाशित

हेटौंडा, २० भदौ । आजको लागि तय गरिएको बागमती प्रदेशसभाको बैठक पुनः स्थगित भएको छ । दिउँसो १ बजेका लागि तय गरिएको बैठक सूचना टाँस गरेर स्थगित भएको प्रदेश सभा सचिवालयले जनाएको छ ।

प्रदेश सभाको अर्को बैठक यही भदौ २४ गते दिउँसो १ बजे बस्ने प्रदेश सचिवालयका प्रवक्ता मनोज गुप्ताले जानकारी दिए ।

यसअघि गत असार २२ गते प्रदेश सरकारको चालु आर्थिक वर्ष २०८०/८१ को बजेट पारित गरेसँगै अनिश्चितकालका लागि स्थगित भएको बैठक दुई महिनापछि बस्ने तय गरिएको थियो ।

क्याटेगोरी : समाचार
ट्याग : #बागमती प्रदेशसभा