काठमाडौं, १९ भदौ । काठमाडौं महानगरपालिकाकाले मेयर बालेन साह एसिया कप अन्तर्गत नेपाल र भारतबीचको खेल हेर्न श्रीलंका नै पुगेका थिए ।

सोमबार भएको खेलमा नेपाल भारतसँग पराजित भएको छ । नेपाल भारतबीचको खेल हेरेपछि मेयर बालेनले सरकारले जग्गा उपलब्ध गराए महानगरपालिकाले क्रिकेट स्टेडियम बनाउन पहल गर्ने घोषणा गरेका छन् ।

खेलपछि सामाजिक सञ्जालमा लेख्दै बालेनले एकसय रोपनी जग्गा उपलब्ध भए स्टेडियम बनाउन पहल गर्ने बताएका हुन् ।

‘नेपाल सरकारले काठमाण्डौ महानगर वा आसपासमा आवश्यक १०० रोपनी जग्गा उपलब्ध गराउँछ भने काठमाण्डौ महानगरबाट रंगशाला बनाउन हामी पहल गर्नेछौं । यस्तो मात्रै रंगशाला र केहि ठुला खेलहरु हुने हो भने खेल विकास हुन सक्छ । र, एकै खेलबाटै करोडौँ रकम आर्जन हुन सक्छ । त्यो बाहेक खेलाडि र तल्लोतहमा सिकाइ सुविधाका लागि अबको ३ बर्षमा सकेसम्म हरेक वडामा एक हुने गरी बलिङ नेट राख्ने प्रबन्ध पहिले नै गरिसकेका छौँ’ उनले लेखेका छन् ।

बालेनले श्रीलंकाको पल्लेके क्रिकेट स्टेडियममा नेपाली समर्थकहरू १५ सय २ हजारको संख्यामा विभिन्न देशबाट पुगेका उल्लेख गरेका छन् । श्रींलंकाको अध्यागमन चकित पर्ने गरी नेपालीहरू श्रीलंका पुगेका उनले लेखेका छन् ।

उनले खेलका क्रममा सुरूमा भारतीय खेलाडिको हाउभाउ नेपालीलाई सजिलै जितिनेमा ढुक्क भए जस्तो देखिएका लेख्दै उनले जसै खेल बढ्यो, जसै नेपालको ब्याटिङ अगाडि बढ्दै गयो, तब भारतीय खेलाडिहरुको हाउभाउ पुरै रक्षात्मक बनिसकेको र त्यहि बेला नेपालले क्रिकेट जित्एको उनले लेखेका छन् ।

क्याटेगोरी : समाचार
ट्याग : #breaking, #बालेन साह

---

---

---