मनमैजुका हालसावी पीडित सङघर्ष समितिद्धारा मालपोत, नापी मेयर सहित सांसदलाई बुझाए ज्ञापनपत्र

साझा पाना २०८० जेठ ९ गते ११:५६ मा प्रकाशित

काठमाडौं । काठमाडौंका मनमैजुका हालसावि पीडितहरुले आफ्नो घर/जग्गा हालसावी गरिपाउँ भन्दै मनमैजु मालपोत, नापी कार्यालय, राष्ट्रिय न्यायिक प्रतिष्ठान र तारकेश्वर नगर प्रमुखलाई बुझाएका छन् ।

सङ्घर्ष समितिका अध्यक्ष रामचन्द्र श्रेष्ठको नेतृत्वमा काठमाडौं क्षेत्र नं. ६ का प्रतिनिधि सभा सदस्य माननीय शिशिर खनाल, बागमती प्रदेश सभा सदस्य अमन मास्के, संघीय लेखा समितिका सदस्य तथा प्रतिनिधि सभा सदस्य अर्जुन नर्सिङ केसी र नागरिक उनमुक्ति पार्टीका संरक्षक रेशम लाल चैाधरीलाई समेत पीडितहरुले ज्ञापन पत्र बुझाएको सङ्घर्ष समितिका संयोजक रामचन्द्र श्रेष्ठले बताउनुभयो ।

त्यस्तै नागरिक उन्मुक्ति पार्टीको संरक्षक रेशम लाल चौधरीले एक हप्ताभित्र समस्या समाधानका लागि पहल गर्ने कुरा पीडितहरुसँग बताएका छन् ।

घर/जग्गा हालसावि गर्न नपाउँदा मनमैजुस्थित तारकेश्वर १० का स्थानीयबासी आफ्नो घरजग्गा बैंकमा राखेर बच्चाबच्ची पढाउन, व्यवसाय गर्नबाट समेत बन्चित भएका छन् ।

सङ्घर्ष समितिका अध्यक्षकाअनुसार तत्काल हाम्रो समस्या हल नगरिय केही दिनमा मनमैजु मालपोत कार्यालय, मनमैजु नापी कार्यालय र तारकेश्वर नगरपालिका धर्ना दिने कार्यक्रम गर्न बाध्य हुने बताएका छन् । साथै समाजका उच्च तहका व्यक्तिहरुलाई र उच्च तहका राजनीतिक ब्यतिलाई ज्ञापनपत्र दिँदै जाने सङ्घर्ष समितिका अध्यक्ष श्रेष्ठले बताएका छन् ।