काठमाडौं।काठमाडौंको बनस्थली -रानीवन माइक्रोबसपार्क रुटमा चल्ने  माइक्रोबसमा एक महिला
यात्रु र सहचालकविच हात हालाहाल भएको छ ।

आज बिहिबार साँझ ७ बजेको समयमा खरिबोट हुँदै रानीवनतर्फ जाँदै गरेको बा १ ज ८८२६ नम्बरको माइक्रो बसका सहचालक सुदिप कार्कीले सोही बसकी एक  महिला यात्रुलाई विधार्थी परिचयपत्रको आधारमा भाडादरमा सहुलिएत नदिएपछि हात हालाहाल भएको प्रत्यक्षदर्शी इमानसिंह राइले जानकारी दिनुभयो ।राइका अनुसार ती यात्रुले परिचय पत्र देखाउँदा सहचालक कार्कीले बेलुकाको समयमा भाडादर सहुलिएत छैन भनि यात्रुको परिचयपत्र फालिदिएका थिए।

प्रत्यक्षदर्शी राइका अनुसार सहुलियत पनि नदिने परिचयपत्र पनि हुर्याउने भन्दै ती यात्रुले सहचालक कार्कीको कपालमा समातेकी थिइन् भने सहचालकले पनि उनको हात समातेर झड्कारेका थिए।त्यसपछि ती यात्रुले माइक्रो बसको भmयालको सिसा नै फोरिदिएकी थिइन्।

सहचालक कार्कीले पनि बेलुकाको समयपछि कुनै पनि बस वा माइक्रोबसले भाडा सहुलिएत नदिने गरेकाले सहुलिएत दिन नमानेपछि आफुलाई कपालमा समातेको हुनाले हात समातेर झड्कारेको बताएका छन्।

बालाजु ट्राफिक प्रहरी कार्यालयबाट खटिएको प्रहरीको टोलीले घट्नाको थप अनुसन्धनका लागि सहचालक कार्कीलाई हतकडी लगाई सोही माइक्रोमा राखेर लगेको प्रत्यक्षदर्शीले जानकारि दिएका छन्। तर ती महिला यात्रुले भने केही बोल्न र सूचना दिन भने मानिनन्।

क्याटेगोरी : समाचार
ट्याग : #बनस्थली

---

---

---