काठमाडौँ । सरस्वती पुजाको अवसर पारेर सामाखुशीस्थित महर्षि स्कूलमा ईन्द्रेणीको वृहद सांस्कृतिक कार्यक्रम हुने भएको छ ।

विभिन्न रचनात्मक कार्यक्रम गरी विद्यार्थीलाई शिक्षा प्रदान गर्दै आएको सो स्कूलले आगामी माघ १२ गते सरस्वती पुजा विशेष कार्यक्रम तथा इन्द्रेणी समूहको वृहद सांस्कृतिक प्रस्तुती गर्न लागेको हो ।

सोही दिन इन्द्रेणीका चर्चित कलाकार कृष्ण कडेंल, मनमाया वाइवा, छत्र शाही, आयुष्मा गौतम, पुजा देवकोटा, सुप्रिम मल्ल ठकुरीलगायतका कलाकारको वृहद सांस्कृतिक प्रस्तुती रहने सो विद्यालयका प्राचार्य निर्मल पौडेलले जानकारी दिनुभयो ।

उक्त विद्यालयमा विहान ८ बजेदेखि सरस्वती पुजा र दिउँसो इन्द्रेणीको सांस्कृतिक कार्यक्रम हुनेछ । मन्टेश्वरीदेखि कक्षा १२ सम्मको अध्यापन गराउँदै आएको महर्षीमा हाल ७०० विद्यार्थी अध्ययनरत छन् ।

मन्टेश्वरीको छुट्टै विल्डिङ, व्यवस्थित क्यान्टिन, बास्केटबल कोर्ट, स्वीमिङ पुललगायतको व्यवस्था भएको उक्त विद्यालय सामाखुशीको पवित्रनगरमा अवस्थित छ ।

क्याटेगोरी : समाचार

---

---

---