बागमती प्रदेश: उपसभामुख पदको निर्वाचन आज हुँदै

साझापाना २०७९ माघ २ गते १४:३० मा प्रकाशित

काठमाडाैं । बागमती प्रदेशको उपसभामुख पदकको निर्वाचन साेमबार हुने भएको छ ।

उपसभामुख पदकको निर्वाचन साेमबार दिउँसो ३ बजे हुने भएकाे हाे । देशभर शोक बिदा भएपनि उपसभामुखको निर्वाचनकाे कार्यक्रम स्थगित नहुने बागमती प्रदेश सभा सचिवालयले जनाएकाे छ ।

प्रदेश सभाको पहिलो बैठक बसेको १५ दिनभित्रमा सभामुख र उपसभामुखको चयन गरिसक्नुपर्ने संवैधानिक व्यवस्था अनुसार उपसभामुख चयन गर्नुपर्ने साेमबार अन्तिम दिन हो। बागमती प्रदेश सभाको पहिलो बैठक गत पुस १८ गते बसेको थियो । प्रदेश सभामा उसभामुख पदमा ३ जनाले उम्मेदवारी दर्ता गरेका छन् ।

सत्ता साझेदार दलहरुको तर्फबाट नेकपा एमालेकी अप्सरा चापागाई, नेपाली कांग्रेसबाट सुना परियार र नेपाल मजदुर किसान पार्टीकी गीता काफ्लेले उपसभामुखमा उम्मेदवारी दर्ता गराएका छन् ।

क्याटेगोरी : समाचार
ट्याग : #बागमती प्रदेश