लुम्बिनीमा मुख्यमन्त्री गिरी र दुई मन्त्रीले लिए शपथ

साझापाना २०७९ पुस २८ गते १६:०५ मा प्रकाशित

काठमाडौं । लुम्बिनी प्रदेशको मुख्यमन्त्रीमा नियुक्त लिला गिरीले आज पद तथा गोपनियताको शपथ लिएका छन् ।

लुम्बिनी प्रदेश प्रमुख अमिक शेरचनले गिरीलाई प्रदेश राजधानी दाङको राप्ती उपत्यकामा शपथ खुवाएका हुन् । गिरीलाई संविधानको धारा १६८ को उपधारा २ बमोजिम प्रदेश प्रमुख शेरचनले बुधबार मुख्यमन्त्रीमा नियुक्त गरेका थिए ।

मुख्यमन्त्रीसँगै आजै अन्य २ मन्त्रीहरुले समेत शपथ लिएका छन् । नेकपा माओवादी केन्द्रको तर्फबाट बाँकेकी प्रदेशसभा सदस्य कृष्णा केसी नमुना र एमालेको तर्फबा अर्घाखाँचीका प्रदेशसभा सदस्य चेतनारायण आचार्यले शपथ लिएका छन् ।

उनीहरुले विना विभागीय मन्त्रीको रुपमा शपथ लिएका हुन् । यसअघि माओवादीबाट संसदीय दलको नेता जोखबहादुर महराले मन्त्रीको शपथ लिने भनिएपनि मन्त्रालयको भागवण्डा नमिलेपछि केसीले मात्रै शपथ लिएका हुन् ।

क्याटेगोरी : समाचार
ट्याग : #लिला गिरी, #लुम्बिनी प्रदेश