सुन व्यवसायीसँग पैसा असुल्ने डीएसपी केसीलाई निलम्बन गर्न सिफारिस

साझापाना २०७९ पुस १३ गते ११:१५ मा प्रकाशित

काठमाडौं । इलाका प्रहरी कार्यालय बुटवलका प्रहरी नायब उपरीक्षक (डीएसपी) ठगबहादुर केसीलाई निलम्बन गर्न सिफारिस गरिएको छ।

प्रहरी प्रधान कार्यालय नक्सालले उनलाई निलम्बन गर्न भन्दै गृह मन्त्रालयमा सिफारिस गरेको हो ।

सुन व्यापारीहरूसँग रकम असुली गरेको सूचनापछि केन्द्रीय अनुसन्धान ब्युरोको टोलीले उनलाई आइतबार पक्राउ गरेको थियो।

प्रहरीले उनको घरबाट ३५ तोला सुन र २५ लाख नगदसमेत बरामद गरेको थियो । डीएसपी केसीले सुन व्यवसायीको सुन नियन्त्रणमा लिएर फिर्ता गर्न पैसा माग्ने गरेको आरोप लागेको छ ।

क्याटेगोरी : अपराध/सुरक्षा, समाचार
ट्याग : #ठगबहादुर केसी