३५ दिनभित्र कार्यालय परिसरमा थुप्रिएको फोहोर हटाउन काठमाडौं महानगरको अल्टिमेटम

साझा पाना २०७९ मंसीर २१ गते १२:२९ मा प्रकाशित

काठमाडौं । काठमाडौं महानगरपालिकाले महानगरभित्रका सरकारी, गैर सरकारी तथा निजी कार्यालयहरुले आफ्नो कार्यालयको परिसरमा थुप्रिएको फोहोर ३५ दिनभित्र हटाउन अन्टिमेटम दिएको छ ।

महानगरले आज सूचना जारी गर्दै ३५ दिन भित्र फोहोर हटाउन अल्टिमेटम दिएको हो । महानगरपालिकाले विभिन्न कार्यालय परिसरमा थुप्रिएको फोहोर र पुराना उपकरणका कारण सिंगो नगरकै सुन्दरतामा आँच पुगेको बताएको छ ।

फोहोर व्यवस्थापन नगरे कानून अनुसार कारबाही तथा जरिवाना तिराउने चेतावनी समेत महानगरपालिकाले दिएको छ ।

सरकारी, संस्थान तथा गैरसरकारी संस्थाहरुका कार्यालय परिसरमा वर्षौंदेखि पुराना गाडी तथा उपकरण र नकुहिने फोहोर थुप्रिएको छ ।

क्याटेगोरी : समाचार
ट्याग : #काठमाडौँं महानगरपालिका