समानुपातिकमा माओवादी र राष्ट्रिय स्वतन्त्र पार्टीले बराबर सिट पाउने

साझापाना २०७९ मंसीर १९ गते १७:४३ मा प्रकाशित

आम निर्वाचन ०७९ मा प्रतिनिधि सभातर्फ समानुपातिकमा नेकपा माओवादी केन्द्र र सबैभन्दा कान्छो दल राष्ट्रिय स्वतन्त्र पार्टीले बराबर सिट पाउने भएका छन् ।

सोमबार दिउँसोसम्म निर्वाचन आयोगको समानुपातिकतर्फको पछिल्लो तथ्यांकअनुसार उक्त दुई दलले समान सिट पाउने भएका हुन् ।

नेकपा माओवादी केन्द्रले समानुपातिकतर्फ ११ लाख ६२ हजार २२९ मत पाएको छ । रास्वपाले ११ लाख २४ हजार ५५४ मत पाएको छ । दुई पार्टीबीच केही हजार मतान्तर भए पनि मत परिणाम विभाजक सूत्रअनुसार दुवै पार्टीले समान सिट पाउने भएको हो ।

यस्तै, उपेन्द्र यादव नेतृत्वको जनता समाजवादी पार्टी (जसपा) र सिके राउत नेतृत्वको जनमत पार्टीबीच झण्डै २६ हजारको मत अन्तर छ । तर, मत परिणाम विभाजक सूत्रबाट हिसाब यी दुवै पार्टीले समान ५–५ सिट पाउने भएका छन् ।

प्रतिनिधि सभातर्फ प्रत्यक्षमा माओवादी केन्द्रले १८ सिट ल्याउँदा रास्वपाले ७ सिट जितेको छ ।

क्याटेगोरी : समाचार
ट्याग : #नेकपा ( माओवादी केन्द्र, #राष्ट्रिय स्वतन्त्र पार्टीद्वारा स्वयमसेवक माग, #समानुपातिक