लागूऔषधसहित दुई जना भारतीय नागरिक पक्राउ

साझापाना २०७९ मंसीर ८ गते १९:५१ मा प्रकाशित

चितवन । पुर्वी चितवनको राप्ती नगरपालिका वडा नंम्बर १ लोथरबाट लागूऔषधसहित दुई जना भारतीय नागरिकलाई प्रहरीले पक्राउ गरेको छ ।

अस्थायी प्रहरी पोष्ट लोथरबाट खटिएको प्रहरीको चेकिङ टोलीले गएराती साँढे आठ बजेको समयमा लागूऔषध सहित भारत देश बाडा परेउवा वर्डा नंम्बर १ बस्ने २८ बर्षीया राहुल शर्मा र सोही ठाउँ बस्ने २९ बर्षीया अजित कुमार साहलाई प्रहरीले पक्राउ गरेको हो ।

जिल्ला प्रहरी कार्यालय चितवनका प्रहरी प्रमुख एवं प्रहरी उपरीक्षक नवराज अधिकारीका अनुसार मकवानपुरबाट चितवनतर्फ आउँदै गरेको ना. ५७. प. २४६४ नम्बरको मोटरसाईकल रोकी चेकजाँच गर्दा मोटरसाइकलमा सवार साहले झोलामा लुकाईछिपाई ल्याएको अवस्थामा प्रतिबन्धित लागुऔषध डाईजेपाम पाँच सय अड्चालिस एम्पुल, फेनारगन पाँच सय पचास एम्पुल र नोफिन पाँच सय पचास एम्पुल गरी एक हजार छ सय अड्चालिस थान लागूऔषधसहित उनीहरुलाई पक्राउ गरिएको बताए ।

पक्राउ परेकाहरु उपर आज (बिहीबार) सम्मानित चितवन जिल्ला अदालत बाट म्याद अनुमती लिई थप अनुसन्धान गर्ने कार्य भईरहेको समेत प्रहरी उपरीक्षक अधिकारीले बताए । पछिल्लो समय चितवन प्रहरीले जिल्ला भित्रीने प्रमुख राजमार्गहरुमा सवारी चेकजाँचलाई तीव्रता दिएसंगै प्रहरीले लागूऔषध कारोबारी नियन्त्रणमा समेत उल्लेखनीय सफलता पाइरहेको छ ।

क्याटेगोरी : अपराध/सुरक्षा, ब्रेकिंग न्युज, विशेष, समाचार, स्थानीय