काठमाडौं । मंसिर ४ गते सम्पन्न आम निर्वाचन–२०७९ को नतिजा आउने क्रम जारी छ । बुधबार बिहानसम्म प्रतिनिधिसभाको प्रत्यक्षतर्फ २३ जना प्रत्यक्षमा निर्वाचित भएका छन् ।

पछिल्लो नतिजाअनुसार नेपाली कांग्रेस १३ सिट जितेर पहिलो दल बनेको छ । नेकपा एमाले ४ सिट जितेर दोस्रो स्थानमा कांग्रेसलाई पछ्याइरहेको छ ।

यता रवि लामिछाने नेतृत्वको रास्वपाले ४ सिट जितेको छ भने एकीकृत समाजवादी पार्टीले १ सिट जितेको छ । त्यस्तै कैलालीबाट नागरिक उन्मुक्ति पार्टीले पनि १ सिट जितेको छ ।

नेकपा माओवादी केन्द्र, जनता समाजवादी पार्टी लगायत अन्य दलले अहिलेसम्म जित हासिल गर्न सकेका छैनन् । यता प्रत्यक्षमा पछि परेको एमाले समानुपातिकमा पहिलो दल बनिरहेको छ भने कांग्रेस दोस्रो स्थानमा छ ।

समानुपातिकमा राष्ट्रिय स्वतन्त्र पार्टी तेस्रो स्थानमा देखिएको छ । माओवादी केन्द्र, जनता समाजवादी र लोकतान्त्रिक समाजवादी पार्टीहरु निकै पछि रहेका छन् ।

नेपाली कांग्रेस

मुस्ताङ– योगेश शेरचन

मनाङ– टेकबहादुर गुरुङ

काठमाडौं १ – प्रकाशमान सिंह

काठमाडौं ३ – सन्तोष चालिसे

काठमाडौं ४– गगनकुमार थापा

काठमाडौं ५ – प्रदीप पौडेल–

रसुवा– मोहन आचार्य–

ललितपुर १– उदयसमशेर जबरा

तनहुँ २ – शंकर भण्डारी

डडेलधुरा– शेरबहादुर देउवा

काठमाडौं–१० राजेन्द्र केसी

पर्सा–४ रमेश रिजाल

सुर्खेत-२ हृदयराम थानी

नेकपा एमाले

उदयपुर २ – अम्बरबहादुर रायमाझी

काठमाडौं ९– कृष्णगोपाल श्रेष्ठ

ललितपुर २– प्रेमबहादुर रायमाझी

गुल्मी २ – गोकर्ण विष्ट

राष्ट्रिय स्वतन्त्र पार्टी

काठमाडौं ७ – गणेश पराजुली

काठमाडौं ८– विराजभक्त श्रेष्ठ

काठमाडौं २– सोविता गौतम

ललितपुर ३ – तोसिमा कार्की

नेकपा एकीकृत समाजवादी

अछाम १ –शेरबहादुर कुँवर

राष्ट्रिय प्रजातन्त्र पार्टी

बाँके २ – धवलसमशेर जबरा

नागरिक उन्मुक्ति पार्टी

कैलाली १– गंगाराम चौधरी

क्याटेगोरी : समाचार
ट्याग : #breaking, #निर्वाचन

---

---

---