गगन थापा प्रधानमन्त्री बन्ने भएपछि अरुलाई किन मतदान गर्ने भन्ने जनताको प्रश्न छ – श्रेष्ठ
काठमाडौं । नेपाली कांग्रेसको काठमाडौं क्षेत्र नम्बर ४ का निर्वाचन प्रचार प्रसार समितिका सदस्य राजन श्रेष्ठ ‘धरातल’ ले काठमाडौं क्षेत्र नम्बर ४ का प्रतिनिधिसभाका उम्मेदवार गगन थापाले संसदीय निर्वाचन जितेपछि प्रधानमन्त्री बन्ने पक्का भएको बताएका छन् ।
थापाको उम्मेदवारीले सर्वत्र चर्चा पाएको भन्दै उनले थापाको चुनावी लहर कसैसँग तुलना गर्न नमिल्ने बताए । ‘उहाँमा जुन जोश, जाँगर र आँट छ त्यो अरु कोहीसँग तुलना गर्न मिल्दैन, उहाँप्रति जनताको धेरै ठूलो आशा छ’ उनले भने ‘उहाँले अब आफैं ड्राइभरको सिटमा बसेर देशलाई ड्राइभिङ गर्ने भन्नुभएको छ, यो क्षेत्रका लागि योभन्दा ठूलो खुशीको कुरा अरु हुन सक्दैन ।’ श्रेष्ठले अहिले कांग्रेसको अवस्था राम्रो भएकाले आगामी निर्वाचनबाट कांग्रेसको नेतृत्वमा सरकार बन्ने बताए । कांग्रेसले जारी गरेको संकल्पमा देश र जनताको हित गर्ने विषय उल्लेख भएकाले कांग्रेसको पक्षमा मतदान गर्न उनले आग्रह गरेका छन् ।
‘गगन थापाले अब १० वर्षमात्र सक्रिय राजनीति गर्छु अनि अरुलाई पालो दिन्छु भन्नुभएको छ त्यो सकारात्मक कदम हो ’ उनले भने ‘उहाँमा यस्तो विचार आउनु आफैंमा राम्रो कुरा हो ।’ पार्टीको महामन्त्रीसमेत रहेका थापा स्वास्थ्यमन्त्री हुँदा गरेका उल्लेखनीय कामलाई जनताले सम्झिइरहेको श्रेष्ठको दाबी छ । ‘पार्टी गलत बाटोमा जाँदा पनि गलत भयो भनेर भन्न सक्ने र पार्टीलाई सही ‘ट्रयाक’ ल्याउने उहाँको कदमको जति चर्चा गरे पनि कमै हुन्छ ’ उनले भने ‘अहिले चुनाव प्रचार प्रसारको क्रममा जनताको घरमा मत माग्न गएका अरु पार्टीका नेताहरु निराश भएर फर्किएको सुनेका छौं, यो हाम्रो लागि खुशीको कुरा हो ।’
गगन थापाले युवाको भावना समेटेको, पार्टीमा नेतृत्वदायी भूमिका खेलेको, विचारयुक्त कांग्रेस बनाएको, स्वच्छ र निश्पक्ष छबि बनाएको, निडर र साहसिक नेताका रुपमा पहिचान बनाएको उनको भनाई छ । ‘अब पनि मतदाता अलमलिनुहुन्छ भन्ने मलाई लाग्दैन, उहाँ भोलिको दिनमा पार्टी सभापति हुने मान्छे हो’ उनले थपे ‘पटक पटकको जित पनि उहाँको भोलि निर्वाचन जित्ने बलियो आधार हो ।’ उनले, थापाले हिजो एमाले र माओवादी मिलेर नेकपा बन्दा पनि निर्वाचन जितेकाले अहिले अवस्था झन् सहज भएको दाबी गरे ।
थापालाई सबैको राम्रो समर्थन भएको भन्दै उनले थापालाई मतदान नगर्नु भनेको यो क्षेत्रमात्र नभएर देशलाई नै पछि पार्न खोज्नु भएको टिप्पणी गरे । थापाको व्यक्तित्व र स्वभावलाई अरु पार्टीकाले पनि मन पराएको उनको भनाई छ । ‘उहाँ कांग्रेसको मात्र होइन देशको नै नेता हो, उहाँको विचारलाई अरुले पनि ग्रहण गर्नुपर्छ’ उनले थपे ‘ अहिले उहाँलाई जिताउन सबै ठाउँमा समूह नै बनाएर मतदाता लागिपर्नुभएको छ, उहाँ जहाँ जानुहुन्छ त्यहाँको माहौलले पनि राम्रो संकेत गरेको छ ।’
संसदमा थापाले व्यक्त गरेका विचारलाई अन्तर्राष्ट्रिय समुदायले पनि चासोका साथ हेर्ने उनको भनाई छ । ‘हिजो एमाले र एमालेको सरकारले गरेको गलत गतिविधिको विषयमा संसदमा उहाँले खेलेको भूमिका चानचुने थिएन’ उनले थपे ‘यो क्षेत्रमा मात्र होइन, देशैभर कांग्रेसलाई जिताउन र समृद्धिको रेखा कोर्न सहयोग गर्न सबैलाई आग्रह गर्दछु ।’
क्याटेगोरी : समाचार
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्